【译文】孔子话：“一支部队，有可能畀人夺去主帅；一个人立咗志，边个都夺唔走。”

　　【栋笃】话说有一日，两公婆嗌交。老公惊畀老婆打，匿埋喺床下底。老婆猫踎低身笃住佢闹：“你够胆同我躝出嚟（滚出来）！”老公就话：“三军可夺帅也，匹夫不可夺志也！我话我唔出去就唔出去！”
　　讲下笑啫。不过“匹夫”呢个词，原先确实系同“老公”有关嘎。夫妇互相匹配吖配，分开嚟讲就系“匹夫”同埋“匹妇”喇。而家“匹夫”嘅意思，理解为“一个人”就得喇，男女都得嘎，比如“国家兴亡，匹夫有责”，就唔单止系男人嘅事嚟嘎。所以，《赤壁》入边，嗰位乜乜格格就话，“国家兴亡，匹妇有责”喇，咔咔  
　　“三军可夺帅也，匹夫不可夺志也。”孔Sir呢句话，犀利，又系千古名言喇。以前都唔知有几多人抄埋佢，贴喺书柜度当座右铭啊。
　　三军，一支部队，有千军万马。但系，就系因为人多，所以人心好难齐——军心一涣散，主帅就好容易畀人捉走喇。匹夫立志，呢个“志”唔会唔畀夺走，完全由自己一个人决定嘎。所以，只要自己志够坚，就边个都夺唔走喇。
　　梁漱溟，中国现代著名嘅思想家、哲学家、教育家……亦都有“中国最后一位儒家”之称。佢一生致力于“中国新农村”嘅建设，军阀统治时期，就做出咗唔少成绩。佢同毛泽东同龄，两人交情亦都算唔错。但系，1953年，喺政协会议上边，梁漱溟为农民嘅疾苦，就同毛吵咗起嚟，一啲都唔畀面。毛话佢“反对总路线”，从此之后就开始大力批判梁漱溟。梁漱溟就噉样做咗廿年嘅“反动分子”。到咗1973年，“批林批孔”运动又搞起嚟。因为梁漱溟系“新儒家”嘅代表，上边又要佢表态批孔子。喺一次大会上边，梁漱溟有咗讲嘢嘅机会，佢就话，孔子有功有过，唔可以全盘否定；重有，林彪同孔子冇咩关系，唔可以捞埋一齐讲。梁漱溟嘅发言，引嚟更多对佢嘅批判。直到隔年底，喺一次批斗佢嘅大会上边，主持人逼佢表态，佢就话：三军可夺帅也，匹夫不可夺志也！”
　　咩叫知识分子嘅操守，睇下梁漱溟嘅表现就知喇。可惜，喺过去嘅呢半个世纪，能够似梁漱溟噉“匹夫不可夺志”嘅知识分子，系少之又少。大部分知识分子，喺政治高压之下，擦鞋都嚟唔切，点可能有“志”？

　　【原文】子曰：“法语之言，能无从乎？改之为贵。巽与之言，能无说乎？绎之为贵。说而不绎，从而不改，吾未如之何也已矣。”

　　【译文】孔子话：“人哋用啲循规蹈矩嘅话嚟劝告我，点可能唔听从呢？能够改，先至系可贵嘎；人哋讲啲好听嘅说话嚟探我，点可能唔开心呢？开心之后能够清醒噉分析，先至系难得嘎。一味开心，唔加分析；表面听从，从来不改——噉嘅人，我实唔知点算好。”

　　【栋笃】“喂，阿子野啊，你条友仔读得书少，学人哋讲咩论语啊？睇你讲嘅论语，不伦不类、不知所谓，‘子’唔见咗，就得个‘野’，讲好听叫‘解构经典’，唔好听就系‘乱噏廿四’，不如早啲返乡下耕田喇！”
　　“哗，子野大师啊，你讲嘅论语古为今用、别开生面，令人耳目一新、受益非浅！我对你嘅景仰之情，有如滔滔江水，连绵不绝……”
　　唔怕你话我自恋，以上呢两句说话，我的确都听过。人哋闹我乱噏廿四，正系“法语之言”，我百分百会“从”嘎，但改唔改呢？尽量喇。人哋赞我讲得好，我梗系开心喇。不过开心之后，我重要谂下，佢赞得有冇道理？佢咁赞我，系咪要我请食餐饭啊？
　　开讲有话：良药苦口利于病，忠言逆耳利于行。另一句无厘头嘅话，叫做“虚心接受，坚决不改”（从而不改）。食烟有害健康，相信好多烟民都认同，但系有几个真正可以戒咗呢？讲到反腐倡廉，边个做官嘅敢“不从”呢？但系口头“从”咗之后，边个又唔系“钱照收，女照沟”？擦鞋嘅话，边个都啱听；但听完之后，头脑发热，以为自己真系“句句是真理，一句顶万句”（说而不绎），噉就弊喇，唔单最后会身败名裂，重要拉埋好多人陪葬添……
　　说（悦）而不绎、从而不改，噉嘅人，圣人都搞唔掂佢。做人做到噉，都算系极品中嘅极品喇。    （插图：老饼）

　　【译文】孔子话：“后生仔系值得敬畏嘎，点知佢哋将来嘅成就就不如我哋嘅今日呢？一个人到咗四五十岁重未明白道理，噉先至系未够班嘎。”

　　【栋笃】毛泽东一世人都好憎孔子，但系，佢讲过嘅说话入边，有一啲又系同孔子嘅意思不谋而合嘎。比如，喺1957年，毛泽东喺莫斯科大学同啲中国留学生就讲过一段好出名嘅说话：“世界是你们的，也是我们的，但是归根结底是你们的。你们青年人朝气蓬勃，正在兴旺时期，好像早晨八九点钟的太阳。希望寄托在你们身上。”
    呢句说话，同今日我哋要学习嘅孔Sir语录，系咪好相似？“后生可畏”、“未来是属于青年人的”，呢啲系孔子同埋毛泽东嘅共识，亦都系人类社会嘅共识。几千年嚟，人类文明不断噉进步，直到今日取得咁辉煌嘅成就，亦都证明咗“长江后浪推前浪”系历史规律，势不可挡。睇唔起后生仔，就系睇唔起我哋嘅未来。
    梗系喇，“反方”嘅意见，亦都有唔少，比较出名嘅话，比如：“嘴上无毛，办事不牢”；“姜还是老的辣”；“我食过嘅盐比你食过嘅饭重多”，等等。呢啲话，亦都唔系无厘头嘅说话，关键词，就系“经验”。老人家经历过嘅嘢多，经验就多，后生仔经验不足，又好容易就心浮气躁，做嘢少咗耐心，“办事不牢”一啲都唔出奇嘎。
    呢啲，其实系一个事物嘅两面，系对立统一嘎。后生仔劲头十足，热情十足，方向啱嘅话，就效率十足。方向要啱，就要多同啲经验十足嘅老人家请教，避免行差踏错。一个人，如果过咗“后生可畏”嘅阶段，四五十岁重唔明白道理，重跟住人哋喺度扮“愤青”，噉就“不足畏”喇。
    同样嘅承认“后生可畏”，不过毛泽东同埋孔Sir嘅做法，就零舍唔同喇。孔Sir睇到后生可畏，所以佢尽自己嘅能力去引导佢哋，令到佢哋“有闻”。所以，佢有弟子三千，七十二贤，流芳百世。毛泽东就利用“后生可畏”嘅特点，煽动佢哋当“红卫兵”，做权力斗争嘅工具，展开轰轰烈烈嘅大革命、大破坏。等到后尾形势不可收拾，全国畀啲“后生”搞到乱晒大龙，“后生”不再“可畏”，而系“可怕”，毛泽东又下达咗“知识青年到农村去，接受贫下中农的再教育，很有必要”嘅指示，将千几万“后生”赶落农村，咪畀佢哋继续搞搞阵……
    呢个时候，啲曾经“可畏”嘅后生，先至知道，咩叫“姜还是老的辣”喇。

　　【译文】孔子话：“有谷物发咗苗但系冇吐穗嘅！亦有吐咗穗但系唔结果嘅！”

　　【栋笃】以前嘅小学语文课本入边，有一篇好出名嘅文章，系现代散文家许地山写嘅，个名叫做《落花生》。如果大家记忆力同我一样好嘅话，就会记得，呢篇文章系以前好兴嘅乜乜“托物咏志”嘅典型散文。文章入边写咗一家人种花生、收花生、倾花生嘅经过，最后借“父亲”嘅话“所以你们要像花生，它虽然不好看，可是很有用，不是外表好看而没有实用的东西”嚟点明中心思想：“人要做有用的人，不要做只讲体面，而对别人没有好处的人了。”细个嗰阵我谂唔明：人点解唔可以又好睇又有用呢？点解一定要“不好看，可是很有用”呢？个语文老师又点解每日都要精心打扮先至嚟教我哋呢？
　　咁多点解，嗰时唔够胆问老师，而家唔使问，相信大家都有一个共同嘅价值观：人，一定要做有用嘅人。好唔好睇，先天决定。至于后天扮靓，好多时候，系社交礼貌嘅需要，着靓衫，化靓妆，要尊重每一个人嘅选择，唔可以一味强求。喺竞争激烈嘅现代社会，好似花生噉，“矮矮地长在地上，等到成熟了，也不能立刻分辨出来它有没有果实，必须挖出来才知道”，又系唔得嘎。好似诸葛亮、姜子牙噉匿埋喺山林之间，等人哋嚟“挖”嘅时代，已经一去不复返喇。你要喺呢个社会生存，就要学识主动出击，将自己嘅“秀”、自己嘅“实”Shou出来，畀人睇到，先至能够发挥潜能，造福社会。
　　孔Sir讲嘅呢句说话，亦都系“借物示警”：人，唔好以净系识得做“秀”，而一点“实”力都冇。“向花生学习”嘅观点要重新检讨，但系，对“苗而不秀”、“秀而不实”嘅警惕，系永远都唔会过时嘎。特别系而家嘅大学生，唔使担心佢哋会“向花生学习”，要担心嘅系“苗而不秀”、“秀而不实”：第啲唔讲，每年毕业季节一到，有几个学生系自己认真准备写论文，又有几个学生系喺网上“揾”论文应付过关，然后将精力放喺做精美嘅简历、影靓“艺术相”上边？
　　有矣夫，有矣夫！成语叫做“华而不实”，俗语就叫做“有姿势，冇实际”喇。

　　【原文】

　　【译文】孔子话：“同佢讲解咗，就唔会松懈、懒惰嘅，就得颜回一个啫！”
　　孔子讲到颜回，就噉话：“好可惜啊！我见佢一直奋力向前，就未见过佢停低落嚟。”

　　【栋笃】上一Part，孔Sir教育我哋，学习贵在坚持，唔可以功亏一篑。呢一Part，佢就畀咗我们一个榜样：颜回。
　　我哋以前讲过，颜回（渊）系孔Sir最得意嘅学生，可惜后生生就死咗，令到孔Sir肉赤到咩噉。无论喺颜回在世嗰阵，定系死咗之后，孔Sir周不时都会喺其他学生面前赞下佢，要啲学生以颜回做榜样，向佢学习嘎。所以，喺孔Sir口中，我哋知道咗颜回点解咁叻。
　　“语之而不惰”，“见其进未见其止”，其实差唔多一样嘅优点：就系对学习持之以恒。语，即系讲解、传授知识。颜回得到新知识之后，举一反三，触类旁通，身体力行，一啲都唔松懈。所以，孔Sir话佢“进而不止”。
　　“惜乎”嘅言下之意，即系颜回之后，再也冇人做得到噉喇，所以就好可惜。本来，作为一个阿Sir，赞一个叻嘅学生系好正常嘎。之不过，“赞”入边，重要加个“惜”，噉就有踩低第啲学生之嫌喇。现代教育理论话畀我哋知，对学生要一视同仁，多加鼓励。托高一个，踩低一群嘅做法，系唔要得嘎。
　　譬如你读紧研或读紧博，你导师成日喺你耳边话：“哇，我上一届带嘅嗰个某某，不知几叻，不知几犀利！睇下你哋，真系一蟹不如一蟹！”不知你会点谂呢？  （插图：老饼）

　　【原文】子曰：“譬如为山，未成一篑，止，吾止也；譬如平地，虽覆一篑，进，吾往也。”

　　【译文】孔子话：“（学习）就好似堆土造山，差一箩土就嚟成功嗰阵就停手，噉系我自己要停低落嚟（与人无尤）；又好似喺平地上边，虽然只系堆咗一箩土，要继续落去，直到成功，都系我自己去继续努力嘎。”

　　【栋笃】开讲有话：“行百步者半九十。”比孔Sir重早嘅《周书·旅獒》入边话：“为山九仞，功亏一篑。”《颜氏家训》入边又话：“天下事以难而废者十之一，以惰而废者十之九。”即系话，天下嘅事，因为难度太大而失败嘅，得一成；因为懒惰而失败嘅，得九成。
　　唔系惊大家有意见嘅话，类似嘅说话，重可以举出好多。加埋孔Sir呢一句，都系同一个意思：“坚持就是胜利。”学嘢又好，做嘢又好，要善始善终，自强不息；半途而废嘅话，就前功尽弃喇。
　　热咗一年嘅《士兵突击》，点解噉成功？就系因为呢部剧创造咗一个“坚持就是胜利”嘅典型符号形象。许三多同郭靖一样，冇慧根，有“傻根”，但胜在坚持，结果无往不利。“不抛弃，不放弃”，“钢七连”嘅精神，其实就系“坚持”两个字嘅加强版。现实中有冇许三多噉嘅人，其实唔重要；就算有，佢有冇许三多咁好彩，同样亦唔重要。重要嘅系，升斗小民需要“许三多”噉样一个小人物嚟代替自己、满足自己、圆自己嘅梦——呢种心理，同阅读武侠小说嘅时候系一样嘎。同时，投资方、宣传方把握住呢个“市场需求”，将“许三多”进行艺术夸张，提高咗收视率嘅同时，亦如期收到咗“教化”嘅效果，真系皆大欢喜。
　　话之“许三多”呢个人物形象有几“神话”，现实生活中，坚持都系有实用意义嘎。特别系对于缺乏耐性嘅现代人嚟讲，“再坚持一会”，好多时候，都能够等到奇迹嘅出现。
　　梗系喇，呢句说话对中国股民嚟讲，就……就好难讲喇。股市入边，正反嘅例子都有。总之一句话：国学有风险，发扬需谨慎。咔咔。  （插图：老饼）

交物

　　勞生者，好與物交。嘗謂交物莫妙於雞，莫凶於犬。昔嘗交犬，其陰如炙。大病數月，服參蓍乃愈。真畏途也！由是，出犬而寵雞，其他羽蹄雌牝，多充下陳。嘗欲污象，見其龐然大，逡巡退去。象得以貞。

试译：

　　有一姓劳的哥们儿，不泡妞，不断背，就粉兽交这一口。劳哥们儿常对人吹牛逼，说兽交这茬啊，最爽的，莫过于鸡；最凶险的，莫过于狗。哥们儿以前曾约一性感小母狗嘿咻，Oh,my Dog！以前只知道牛逼烘烘，谁知那狗B才真的烘烘——里面就跟BBQ一样，小DD差点就变成一节焦炭！经此一仗，劳哥们儿大病几个月，喝了巨多高丽参汤，小DD才渐有起色。从此，哥们儿将狗道视若畏途，把母狗毫不留情地赶跑了，夜夜与鸡ML。至于其他雌性动物，劳哥们儿几乎都试了个遍。正是：没有“金刚钻”，不揽“雌器活“！最传奇的一次，哥们儿去野生动物园玩，邂逅一母象，色心顿起，伸出咸猪手，摸摸象腿，见象没反应，就悄悄对象说：“你不说话我当你默许啊！放心，我会对你负责的……”千算万算，哥们儿色胆有余，色身不足，一米六几的身高，站在母象后面，只能高山仰止。周围也找不到那么高的可以垫脚的东东，唉，劳哥们儿在母象前后徘徊良久，苦无良策，最后只好忍痛割爱，含泪与象告别。万幸啊，那头不幸的母象，终于保全了贞洁。

 　　（原文不计标点74字，极尽无聊、龌龊、下流之能事，但读至最后四字：“象得以贞。”不禁喷饭，拍案叫绝。有这四字，以上一切皆可原谅，古人的搞笑功力，一点不比今人差啊！）

　　【译文】孔子话：“我未见过有钟意道德好似钟意美色一样嘅人啊！”

　　【栋笃】梗系喇，重使讲咩？直情废话嚟嘎。冇几耐之前嘅“艳照门”事件入边，受过教育嘅都知道，咪话传播，就算只系睇，话之一两张定几百张，都系唔道德嘅行为。但系，有几个男性网民，够胆行出嚟话：“我系个好德之人，我一张都唔会睇嘎！”
　　人类，就算点高级都好，卒之都系动物之嘛。所以，好色，系人嘅天性。讲到道德，噉就系人类为咗约束“天性”而创造出嚟嘅行为规范——喺“本质”上嚟讲，道德，系违反天性嘅嘢。点可能有人天生就钟意受约束啊？
　　噉孔Sir自己呢？佢呢句说话系咪包括佢自己啊？
　　《史记》入边记载，孔Sir呢句说话，又系同嗰个好淫贱嘅卫灵公夫人南子有关。关于呢个绯闻女主角，关于佢同孔Sir之间“不得不说的故事”，我哋已经讲咗好多，喺度无谓再长气噉讲多次。孔Sir去到卫国，本来系希望卫灵公可以采纳佢嘅政见重用佢嘎。点不知，卫灵公本人对佢不瞅不睬，佢老婆南子反而有好奇心，想睇睇呢个传说中嘅“圣人”到底有几“圣”，于是约会咗孔Sir。噉重未够，有一次卫灵公同埋南子坐车出游，特征叫埋孔Sir坐喺第二架车度，招摇过市——卫灵公同埋南子系谂住要孔Sir呢位“文化大师”为佢哋面上贴金，就好似而家啲乜乜娱乐节目，喐下就叫埋余秋雨大师做嘉宾。孔Sir梗系嬲到爆啊，即刻就单打阿卫灵公：“吾未见好德如好色者也。”意思系话，卫灵公呢个人，净系钟意美色，唔钟意道德。第二日，唔甘心做“文化口红”嘅孔Sir，即刻就离开咗卫国。
　　照噉睇嚟，孔子食嘅系南子嘅醋，而唔系卫灵公嘅醋。因为南子代表嘅“色”得宠，孔子代表嘅“德”失宠，孔子个心好唔平衡。但系，孔子密会性感嘅南子嘅时候，个心有冇喐下喐下呢？呢个我就不得而知喇。其实，有，先至系一个正常嘅男人之嘛。不过，我哋重系要好似相信娱乐圈有“玉女”一样，相信孔Sir就系一个“好德如好色”嘅人喇，咔咔。

    【原文】子在川上曰：“逝者如斯夫！不舍昼夜。”

    【译文】孔子企喺河岸上边（睇住啲流水）话：“时间嘅流逝就好似噉啊，日夜不停嘎！”

    【栋笃】“曾经有一份至真嘅爱情摆喺我面前，我冇珍惜。到冇咗嘅时候，先至后悔莫及。尘世间最痛苦莫过于此……如果个天可以畀个机会我返转头嘅话，我会同个女仔讲三个字：我爱你。如果系都要喺呢份爱加上一个期限，我希望系……一万年！”
    孔夫子喺东流水面前有唏嘘，周星驰喺西游记入边无厘头——嗱，唔系我九唔搭八乱噏廿四，系因为，孔Sir嘅话，同埋圣尊宝嘅台词，话之真感慨定假后悔，都包含住一个真理：时间，系世间最无情嘅嘢嚟嘎。
    俗语有讲，光阴似箭，日月如梭。系讲时间嘅快，如箭如梭，眨下眼就过去。但系，谂真啲嘅话，箭射得再快，再远，都系有终点嘎；梭呢，喺织布嘅时候，系不停噉往返嘎——所以，用箭用梭嚟比喻时间，都唔系几恰当。
    只有流水。
    冇错喇，只有流水，先至系日夜不停噉往东逝去，个天，系唔会畀机会佢“返转头”嘎。所以，孔Sir见到东逝嘅流水，先至有咁深嘅感叹。
    感叹啲乜？感叹光阴无情，时不我待。孔Sir奋斗一生，天下依然礼崩乐坏，回到西周盛世嘅愿景，依然遥遥无期。而此身经已老咗，想梦下周公，都已经“和梦也，新来不做”。真系“尘世间最痛苦莫过于此”喇……
    由自身嘅经历谂起，孔Sir重感叹天命嘅不可违，亦好似流水噉。世间万物，不停噉运动、变化，后人称之为“历史规律”嘅嘢，亦都系不以人嘅意志为转移，“不舍昼夜”噉向前发展嘎，再大嘅拦路石，都会畀冲走。所谓嘅“中流砥柱”，都已经畀历史证明，只不过系挡车嘅螳臂。孙中山讲，“世界潮流浩浩荡荡，顺之则昌，逆之则亡”，都系一样嘅意思。
    《论语》入边，最哲学、最令人唏嘘嘅感叹，真系“千古一叹”喇。  （插图：老饼）

　　【原文】子曰：“出则事公卿，入则事父兄，丧事不敢不勉，不为酒困，何有于我哉？”

　　【译文】孔子话：“出去做嘢就侍奉公卿，返到屋企就侍奉父兄，有丧事我唔敢唔尽力去办，从来唔会畀酒所困扰——除咗呢啲，我重有咩呢？”

　　【栋笃】开讲有话：“自古忠孝难两全。”大忠臣、大孝子最出名嘅系岳飞。喺演义入边，佢后生嗰阵，母亲就喺佢背脊上边文咗“精忠报国”四个字。佢听阿妈嘅话，确实系做到“精忠报国”。但系尽咗忠，就冇可能喺母亲身边尽孝。特别系最后，岳飞尽忠尽到死，连埋个仔都畀皇帝杀咗，绝咗后——开讲又有话：不孝有三，无后为大。喺呢个意义上边嚟讲，岳飞就真系“不孝”喇。
    忠孝唔能够两全嘅事，重有好多好多。但系，对于孔Sir嚟讲，佢一啲都唔觉得难：“出则事公卿，入则事父兄。”湿湿碎喇呢啲嘢。“何有于我哉？”即系话，我除咗呢啲，就乜都唔系喇。佢嘅口气，“出入”嘅“事”，系最容易做到嘎，我除咗呢啲，就乜都冇喇。就呢句话，朱熹喺《论语集注》入边系噉擦鞋嘎：“然此则其事愈卑而意愈切矣。”——噉即系呢啲事越平常、孔Sir越自谦，佢嘅心意越真诚。
    冇错，喺出边勤力做嘢，喺屋企孝敬父母，话之边个时代，呢啲都系做人嘅基本要求。而家讲“忠”，唔系忠君，而系尽忠职守。所以，而家嘅“忠孝难两全”，主要表现在去到千里之外打工，唔能够喺父母身边尽孝。不过而家通讯发达，话费又平，有孝心嘅人，多啲寄钱返去，多啲打电话返屋企同父母倾多几句，亦都系尽孝喇。
    不过讲返孔Sir，佢周游列国十几年，边个国家要佢，佢就“事”边个国家嘅公卿，最后冇人要佢，先至返到嚟鲁国，忠定不忠，真系好难讲；讲到“事父兄”，孔Sir自细父母就死咗，有个大佬，又系个残疾人，从未听过孔Sir点“事”佢，应该都系一早就瓜咗。所以，讲到孝，孔Sir就剩低“丧事不敢不勉”喇。至于“不为酒困”，大部分人都系噉喇，有咩值得攞出嚟讲嘎？